{metadescription}
Шиеліде катамараннан көлге құлап кеткен жігіт ажал құшты

Шиеліде катамараннан көлге құлап кеткен жігіт ажал құшты

Қызылорда облысы Шиелі ауданында катамараннан Ханқожа көлінде суға құлап кеткен жігіт көз жұмды.

Оқыс оқиға Шиелі ауданына қарасты Бәйгеқұм елді мекені тұсындағы Ханқожа көлінде болды. Су айдынында катамаранмен жүрген 1997 жылғы жігіт көлге құлап кеткен.

«Ол жергілікті тұрғындардың күшімен жағаға шығарылды. Ауруханаға барар жолда көз жұмды. Аталған азаматтың ешқандай ішімдік ішпегені анықталды», - деп мәлім етті облыстық Өрт сөндіру және авариялық құтқару жұмыстары қызметінің баспасөз хатшысы Әлия Ережепова.

Еске салсақ, бұдан бұрын Қызылордада бесінші сынып оқушысы каналға батып кеткен еді. Оқиға Сырдария ауданы Амангелді ауылында болды. Бесінші сыныпта оқитын ер бала Жетікөл каналына батып кеткен. Ауыл тұрғындарының көмегімен баланың денесі судан шығарылды.

Дереккөз: ҚазАқпарат

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде