Елордада бір күнде екі бала терезеден құлап кетті
20 шілде күні полицияға көптеген жарақат алған 2 жасар сәбидің қалалық балалар ауруханасына түскені туралы хабар келген.
16:54 21.07.2021
Күндізгі уақытта баланың анасы қызын үйде жалғыз тастап, дүкенге шығып кеткені анықталды. Ашық қалған терезенің алдына тырмысып шыққан бала москит торына тіреліп, содан кейін 4 қабаттың терезесінен құлап кеткен, деп хабарлайды Нұр-Сұлтан қалалық Полиция департаментінің баспасөз қызметі.
Дәл сол күні 1-қабаттың балконынан 4 жасар бала құлап кеткен. Абырой болғанда, бала ауыр жарақаттар алмаған. Пәтерде бүлдіршін үлкендермен бірге болған. Оның ата-анасы ас үйде тамақ ішіп жатқанда, бала келесі бөлмеде ойнап отырған.
Полицияда атап өткендей, жыл басынан бері елордада көп қабатты үйлердің терезесінен 13 бала құлап кеткен, біреуі көз жұмған.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
