{metadescription}
Қостанайда күйеуі әйелін өлтіріп, мәйітін құдыққа тастаған

Қостанайда күйеуі әйелін өлтіріп, мәйітін құдыққа тастаған

Қостанайда отбасылық жанжал кезінде әйелін өлтірген ер адамға үкім шықты, деп хабарлайды Қостанай облыстық сотының баспасөз қызметі.

Қостанай облысының қылмыстық істер жөніндегі мамандандырылған ауданаралық сотының үкімімен жұбайын өлтіргені үшін Қостанай облысы Әулиекөл ауданының тұрғыны М. сотталды.

«2021 жылғы 6 наурызда М. Әулиекөл ауданы Лаврентьевка кентінде болған жанжал барысында ол әйелін басына таққан орамалымен қылқындырып өлтірген. Қылмыстың ізін жасыру және қылмыстық жауапкершіліктен құтылу мақсатында М. әйелінің мәйітін ескі құдыққа лақтырған», - деп хабарлады облыстық сот.

М. кінәсі оның мойындауымен, сондай-ақ қылмыстық іс материалдарымен, оның ішінде сот сараптамасының қорытындысымен дәлелденді.

«М-ның бірінші рет сотталып отырғанын, кінәсін мойындағанын, жасаған ісіне шын жүректен өкінетінін, кінәні ауырлататын мән-жайлардың жоғын ескере отырып, сот оған ең жоғары қауіпсіздік қылмыстық-атқару жүйесі мекемесінде 10 жыл бас бостандығынан айыру жазасын тағайындады. Жәбірленуші тарапқа моральдық зиянды өтеу есебінен 5 млн теңге және 500 мың теңге өкілдік шығыстар өндіріп алынды», - деп қорытындылады сотта.

Үкім заңды күшіне енген жоқ.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде