{metadescription}
Головкин — «Канелоның» үшінші айқасы өтуі ықтимал мерзім жарияланды

Головкин — «Канелоның» үшінші айқасы өтуі ықтимал мерзім жарияланды

Орта салмақта IBF/IBO чемпионы Геннадий Головкинмен және екінші орта салмақ санатында WBA, WBO және WBC титулдарының иегері Сауль «Канело» Альвареспен жұмыс істейтін промоутер Эдди Хирн Sports Illustrated-ке берген сұхбатында биылғы жылдың қыркүйек айында олардың үшінші жекпе-жегі өтуі мүмкін екенін айтты.

Бастапқыда Альварес 18 қыркүйекте екнші орта салмақта әлемнің абсолютті чемпионы атағы үшін IBF белбеуінің иегері Калеб Плантпен жұдырықтасуды жоспарлаған еді, алайда, олардың келіссөздері сәтсіз аяқталды. Журналист Крис Мэнникс Matchroom Boxing басшысынан оның орнына GGG және «Канелоның» үшінші айқасын өткізу мүмкін бола ма деп сұрады.

«Жоқ, мен бұл жекпе-жек қыркүйекте болуы мүмкін екеніне сенбеймін. Геннадий Муратамен желтоқсандағы айқасқа дайындалғанын білемін. Головкин – «Канело» 3 жекпе-жегі екеуі де рингте өнер көрсеткенше қашан да өзекті болады, ол келесі жылдың мамыр айында болуы мүмкін деп ойлаймын. Бірақ менің ойымша, біздің келесі шешіміміз «Канело» 18 қыркүйекте жұдырықтаса ма, әлде біз биылғы жылы тағы бір жекпе-жек өткізіп, Плантпен жекпе-жектің бағытын өзгерте ме жоқ па, сол болмақ», — деп жауап берді Хирн.

Еске сала кетейік, Головкин мен Муратаның айқасы Рождествода (28 желтоқсанда) өтеді.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде