{metadescription}
Заңды тұлғалар көлiгінің салығы төлеу мерзімі ауыстырылды

Заңды тұлғалар көлiгінің салығы төлеу мерзімі ауыстырылды

Заңды тұлғалардың көлiк құралдары салығы бойынша салық міндеттемесін орындау мерзімі ауыстырылды.

Салық төлеушілерден көптеп келіп жатқан сұрақтарға байланысты Қаржы министрлігінің Мемлекеттік кірістер комитеті заңды тұлғалар көлiк құралдары салығы бойынша салық міндеттемесін орындау мерзімінің көшірілуіне қатысты түсіндірме берді.

«Салық кодексінің 494-бабының 1-тармағына сәйкес және 496-бабының 1-тармағына сәйкес заңды тұлғалар ағымдағы төлемдер сомасын төлеуді және ағымдағы төлемдердің есеп-қисабын ұсынуды салық салу объектiлерiнiң тiркелген жерi бойынша салық кезеңiнiң 5 шiлдесiнен кешiктiрмей жүргiзуі қажет», - делінген хабарламада.

Сонымен қатар, Салық кодексінің 38-бабының 2-тармағына сәйкес, егер салықтық міндеттемені орындау мерзімінің соңғы күні жұмыс күні болмаса, онда мерзім келесі жұмыс күнінің соңында аяқталады, деп жазады ҚазАқпарат.

«Осылайша, 2021 жылы 6 шілде мереке күні екенін және демалыс күннің 5 шілдеге ауыстырылғанын ескерсек, көлiк құралдары салығы бойынша ағымдағы төлемдер сомасын төлеу мен ағымдағы төлемдердің есеп-қисабын ұсыну бойынша салық міндеттемесін орындау мерзімі келесі жұмыс күнінің соңында, яғни 7 шілдеде аяқталады», - деп түсіндірді комитетттен.

Қазір салықтың төлеу мерзімін 7 шілдеге ауыстыруға қатысты ведомствоның ақпараттық жүйелерін жаңарту жүргізіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде