{metadescription}
Елордада 7 жасар қыздың асқазанынан 100 магнит шықты

Елордада 7 жасар қыздың асқазанынан 100 магнит шықты

Нұр-Сұлтандық хирургтар асқазаны магнитке толып кеткен жеті жастағы қызды құтқарды.

Өткен аптада магнитті-резонансты томографиялық зерттеу үшін ауруханаға түскен 7 жастағы қызға операция жасалды, деп хабарлады Нұр-Сұлтан қаласы әкімдігінің баспасөз қызметі. Баланың мұрнын тексеру кезінде дәрігерлер оның ішінде де магнит бар екенін анықтады. Магнит мұрынның жақтауын зақымдаған.

"Осыдан кейін бала рентгендік зерттеуге жіберілді, ол жақта да асқазанда магниттердің жиналғаны анықталды. Нәтижесінде біз 100-ден астам кішкентай магнитті шығардық. Қазіргі уақытта тексеру және емдеу толық көлемде жүргізілуде", – деді аурухананың хирургиялық блогының жетекшісі Ринат Байгиреев.

Дәрігердің айтуынша, егер бала магнитті жұтып қойса, ол өңеште тіреліп қалады немесе асқазанға түседі.

"Егер магниттің өткір, үшкір тұстары болса, өңештің шырышты қабаты зақымдануы мүмкін. Ал бөгде заттар асқазанда бірнеше күн жатып қалса оның салдары ауыр болады. Ол негізінен табиғи түрде өзі шығады. Егер шықпай, асқазанда ұзақ уақыт болса жағдай қиындайды. Олар асқазан-ішек жолдарының әртүрлі бөліктеріне жабысып қалады. Тіпті перетонит туындауы мүмкін", – дейді маман Нұржанов. 

Өткен жылы №2 Көпбейінді қалалық балалар ауруханасына өңеш, асқазан, асқазан-ішек жолдары және бронхтарға бөгде заттар түсіп кеткен 162 бала көмекке жүгінген. 

"Негізінен түйме, моншақ, пульт батареялары сияқты ұсақ заттарды жұтып қойған 1 мен 5 жас аралығындағы балалар келеді. Дәрігерлер шығарған бөгде заттардың 17 пайызы – магниттер. Көбінесе мұндай жағдайлар ойнап жүріп, қараусыз қалғанда болады", – дейді хирург-дәрігер Серікжан Нұржанов.

 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.