Тараз маңындағы жолда бір адам көз жұмып, алтауы ауруханаға жатқызылды
Жол апаты жүргізушілердің бірінің өмірін қиды.
15:08 15.10.2021
Трагедия Тараз-Сарыкемер тасжолында болды. Тараз маңындағы тасжолда екі көлік бетпе-бет соқтығысып, бір адам көз жұмды, тағы алты адам ауруханаға жеткізілді. Жамбыл облысы полиция департаменті баспасөз қызметінің хабарлауынша, жол апаты Тараз – Сарыкемер тасжолының алтыншы шақырымында 15 қазанда сағат 7:20-да болған.
"Audi B4 автокөлігінің 27 жастағы жүргізушісі Сарыкемер ауылынан Тараз қаласына қарай келе жатып, қарсы жолаққа шығып кетіп, 21 жастағы жергілікті тұрғын мінген ВАЗ-2104 автокөлігімен бетпе-бет соқтығысқан. Жол апаты салдарынан ВАЗ жүргізушісі сол жерде көз жұмды, 6 адам түрлі жарақатпен Сарыкемер аудандық ауруханасына жатқызылды", -делінген хабарламада.
Қазіргі уақытта тергеу шаралары жүргізіліп жатыр, бірқатар сараптама тағайындалды.
Дереккөз: sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
