{metadescription}
Мейрамханаға барған экс-депутат жанжал шығарды

Мейрамханаға барған экс-депутат жанжал шығарды

Түркістанда дәмханада тапсырысты төлеуден бас тартып, жанжал шығарған адам бұрынғы депутат болып шықты.

Түркістан қаласында ер адам мейрамханада жанжал шығарды. Полиция оның бұрын депутат болғанын растады. Әлеуметтік желіде тараған видеода ер адам айналадығы заттарды қиратып жүр. Одан кейін видео түсіріп жатқан кісінің ар-намысына тиетін сөз айтып, жұдырық ала жүгіреді. Сондай-ақ "менің кім екенімді білесің бе" деген сөздер айтады. Мейрамхана қызметкерлері жанжал шығарған адамды ұстап, тоқтатуға тырысады.

Түркістан қалалық полиция департаменті осы оқиғаның 17 қазан күні түнгі сағат 01.00 шамасында болғанын растады. Көңіл көтеретін мекеменің қызметкерлері 102-ге хабарласып, тәртіп сақшыларын көмекке шақырған.

"Оқиға орнына бірден полиция жасағы барды. Олар келген бойда қалада тұратын ер адамның төлем жасаудан бас тартып, жанжал шығарғанын анықтады. Оған қатысты ұсақ бұзақылық фактісімен әкімшілік іс қозғалды. Жиналған материалдар сотқа жіберіледі", - дейді полицейлер.

Ер адамның бұрын қалалық мәслихаттың депутаты болғаны және биыл наурыз айында өкілеттігін тоқтатқаны да анықталды. Айта кетері, Әкімшілік құқық бұзушылық туралы кодекстің 434-бабы (Ұсақ бұзақылық) бойынша 5 айлық есептік көрсеткіш (14 585 теңге) мөлшерiнде айыппұл салу не 10 тәулiкке дейiнгi мерзiмге қамауға алу жазасы қарастырылған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.