{metadescription}
Қызылорда - Жезқазған жолы маңында белгісіз адамның мәйіті табылды

Қызылорда - Жезқазған жолы маңында белгісіз адамның мәйіті табылды

Тергеу органы ол 1,5 ай бұрын жоғалған қызылордалық азаматтың мәйіті болуы мүмкін деген болжам жасады.

Қызылорда облысында белгісіз адамның мәйіті табылды. Облыстық полиция департаментінің баспасөз қызметі хабарлағандай, ол 1,5 ай бұрын жоғалған С.Бегімбайдың мәйіті болуы мүмкін.

С.Бегімбай 12 қыркүйек күні өзінің жеңіл автокөлігімен Нұр-Сұлтан қаласына жолға шығып, хабар-ошарсыз кеткен. Осыған байланысты Қылмыстық кодекстің 99-бабының 1-бөлігімен қылмыстық іс тіркеліп, сотқа дейінгі тергеп-тексеру басталған.

С.Бегімбайды табу үшін кешенді жедел іздестіру іс-шаралары ұйымдастырылып, оған жедел уәкілдер мен учаскелік полиция инспекторлары арасында құрылған бірнеше мобильді топ, төтенше жағдайлар департаментінің қызметкерлері, Ұлттық ұлан сарбаздары және туған-туысқандары, жолдастары, еріктілер жұмылдырылған болатын, деп жазады sputnik.

Оны іздестіру барысында арнайы техника мен тікұшақ қолданылған. Іздеу шараларының нәтижесінде 19 қазанда "Қызылорда-Жезқазған" тасжолының 128-шақырымынан С.Бегімбайдың жеңіл автокөлігі және жеке заттары табылып, айғақты зат ретінде алынған.

Ал 22 қазан сағат 13:25 шамасында "Қызылорда-Жезқазған" тасжолының 128 шақырымынан батысқа қарай 30-40 шақырым қашықтықтағы далалық жерден белгісіз азаматтың мәйіті табылды. 

"Қазіргі уақытта оқиға болған жерде жедел тергеу тобы және төтенше жағдай департаментінің қызметкерлері тексеру жүргізіп жатыр. Сот-сараптамасы мәйіттің кім екенін анықтайды", – деп мәлім етті облыстық полиция департаментінің баспасөз қызметі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

26 қараша

Серіктестер жаңалықтары

Загрузка...
Қазір эфирде