{metadescription}
Ақтауға турист таситын чартерлік рейс қатынай бастады

Ақтауға турист таситын чартерлік рейс қатынай бастады

Ақтауға турист таситын чартерлік рейс қатынап, алғашқы 100 жолаушыны жеткізген.

Бұл туралы орталық коммуникациялар қызметінде өткен брифингіде Маңғыстау облысының әкімі Нұрлан Ноғаев мәлім етті.

«Ақтау қаласындағы халықаралық әуежай арқылы аптасына 27 бағытта 152 рейс қатынайды. Соның ішінде 19 бағытта 62 рейс алыс және жақын шетелге ұшады. Сонымен қатар, туристік мүмкіндікті пайдаланып, жақын арада Башқұртстаннан чартерлік рейс келді. Алғашқы 100 адам қатынады. Бұған дейін туристер қалыпты рейстермен келетін. Ал мынау арнайы туристік бағыттағы чартерлік рейс болды», - деді облыс әкімі. 

Сондай-ақ, ол Каспий теңізінің әлеуетін пайдалану жөніндегі жоспарларын ортаға салды. 

«Халықаралық деңгейге шығып, Каспий теңізін пайдалану жөніндегі жоспарларымыз әзірге идея ретінде ғана қаралып жатыр. Қазіргі таңда жүзеге асырылып жатқан жоқ. Біз Каспий теңізінің жағалауын пайдалану жөнінде жобаларды ойластырып жатырмыз. Келген туристерге, маңғыстаулықтарға көрші облыстардан келген туристерге, жалпы қазақстандықтарға жағдай жасау бойынша жұмыстанып жатырмыз. 

Ақтаудың жанында Жылыжағажай деген орнымыз бар. Сонда қолжетімді демалыс болатындай жағдай ұйымдастырып жатырмыз. Каспий теңізіндебалық шаруашылығын дамытуға көңіл бөліп жатырмыз. Биылдан бастап облыс әкімдігінің жанына 4 жаңа басқарма кірді. Соның біреуі – балық басқармасы», -деді Нұрлан Ноғаев.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Қазір эфирде