{metadescription}
Ақмола облысында бір-бірімен қақтығысқан қарулы екі топ қолға түсті

Ақмола облысында бір-бірімен қақтығысқан қарулы екі топ қолға түсті

Ақмола облысында бір-бірімен қақтығысқан барлығы 15 адамнан тұратын қарулы екі топ қолға түсті.

Облыстық ПД баспасөз қызметінің мәліметінше, маусымның 28-де департаменттің криминалдық полиция басқармасының қызметкерлеріне «Қарасай тас жолы» айналма жолы бойындағы автодромда қарулы топтардың қақтығысы орын алғандығы туралы хабар түсті. 

«Оқиға орнына криминалдық полиция басқармасының арнайы мақсаттағы бөлімше жедел-тергеу тобының қызметкерлері дереу жетті. Алдын ала тергеу барысында қақтығысқа қатысушылар - Көкшетау және Қарағанды қалаларының 22 жастан 40 жасқа дейінгі 15 тұрғыны екені анықталды. Олардан Tranfoglio және «Стражник» маркалы жарақат тапаншалары, оқ-дәрі, бұрыш бүріккіштері, пышақтар мен кастеттер тәркіленді», - деді ведомстводан. 

Полиция департаменті баспасөз қызметінен атап өткендей, қазіргі кезде осы оқиғаға байланысты іс қозғалып, оқиғаның мән-жайы анықталып жатыр. 

«Қарулы қақтығысқа байланысты Қылмыстық кодекстің 287-бабының 3-бөлігі - қаруды заңсыз сақтау және тасымалдау бойынша сотқа дейінгі тергеу басталды. Келу туралы міндеттеме түрінде процессуалдық мәжбүрлеу шарасы таңдалды. Сараптама тағайындалды», - деп толықтырды ведомстводан.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Қазір эфирде