{metadescription}
Түлектер арасында ең танымал мамандықтар белгілі болды

Түлектер арасында ең танымал мамандықтар белгілі болды

ҚР Ғылым және жоғары білім министрлігінің өкілдері биыл ҰБТ қорытындысы бойынша қай бағыттарда бәсеке жоғары болатынын айтты.

Жоғары және жоғары оқу орнынан кейінгі білім департаментінің директоры Гүлжан Жарасованың айтуынша, әзірге бір орынға неше үміткер таласатынын нақты болжау қиын. Өйткені қандай бағытқа қанша өтініш берілетіні құжат тапсыру кезінде белгілі болады.

«Бірақ тұтастай алсақ, былтыр педагогикалық мамандықтардың шекті балы 75-ке артқанымен, ондағы үміткерлердің саны азайған жоқ. Естеріңізде болса, былтыр педагогикалық мамандықтар бойынша бір орынға бес адам таласқан болатын», - деді Гүлжан Жарасова.

Ал Ұлттық тестілеу орталығының директоры Руслан Емелбаевтың сөзіне қарағанда ІТ бағыттағы мамандықтар - талапкерлер арасында ең беделді сала.

«Техникалық мамандықтар бойынша IT бағыт ең жоғары сұранысқа ие. Одан кейін биология және химия тұр. Бұл бағытта тест тапсырушылардың ұпайы өте жоғары. Бұлардан соң педагогикалық мамандықтарда бәсеке жоғары болатын түрі бар. Бейінді пәндердің нәтижесі бойынша айтсақ, талапкерлердің 27% физика-математика комбинациясын тапсырған. Техникалық мамандықтар арасында ең беделдісі - IT мамандық. Екінші орында 18%-бен химия-биология комбинациясы тұр. Оның ішінде стоматологияға сұраныс көп. Үшінші орында педагогикалық мамандықтар тұр», - деді Руслан Емелбаев.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Қазір эфирде