{metadescription}
Павлодардың 3 тұрғыны автобустарда ұрлық жасау үшін Астанаға әдейі келген

Павлодардың 3 тұрғыны автобустарда ұрлық жасау үшін Астанаға әдейі келген

Астанаға әдейі келген Павлодардың үш тұрғыны адамға лық толы автобустарға кіріп, 15 ұялы телефонды қолды еткен.

Олар әрекеттерін бір күнде іске асырып, қаладан шығып кетпек болған. Полицияға елорда тұрғындары автобус ішінде қымбат ұялы телефондары ұрланғанын айтып, арызданған. 

«Полиция қызметкерлері жедел-іздестіру іс-шараларын жүргізу барысында күдіктілерді ұстады. Олар бұрын ұрлық жасағаны үшін сотталған 33, 32 және 30 жастағы үш ер адам болып шықты. 

Ұсталған үш қалта ұрысы елордаға Павлодардан түнде келгені анықталды. Қаскүнемдердің мақсаты маршруттық автобустарда ұрлық жасау болған. Таңертең іске шыққан олар қоғамдық көлікте үш ұялы телефонды ұрлаған, түстен кейін астанадан шығып кетуді ойластырған. Қалта ұрылары адамдарға толы автобустарға әдейі кiрген. 

Заттай дәлелдемелер тәркіленді. Олардың қалта ұрлығының 15 фактісіне қатысы бар екені анықталды. Қазіргі уақытта ҚР Қылмыстық кодексінің 188-бабы (Ұрлық) бойынша сотқа дейінгі тергеу амалдары жүргізіліп жатыр», - делінген полиция мәліметінде. 

Күдіктілер қамауға алынды, олардың осыған ұқсас бірқатар қылмысқа қатыстылығы тексерілуде.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

Серіктестер жаңалықтары

Қазір эфирде