{metadescription}
Екібастұздағы техногендік апаттың салдарымен күресіп жүрген жұмысшыларға сыйақы беріледі

Екібастұздағы техногендік апаттың салдарымен күресіп жүрген жұмысшыларға сыйақы беріледі

Екібастұздағы техногендік апаттың салдарын жойып жүрген жұмысшыларға еңбек етіп жүрген кәсіпорны қосымша сыйақы береді.

Бұл туралы қаланың әкімі Аян Бейсекин өңірлік коммуникациялар қызметінде өткен брифингіде айтты, хабарлайды ҚазАқпарат.

«Қаланың жылу жүйесін қалпына келтіру үшін уақытпен санаспай еңбек етіп жүрген жұмысшылардан сұрасақ, нормадан артық жұмыс үшін күніне 200 теңге алатынын айтты. Бұл аз емес пе?», - деп сұрады журналист өңірлік коммуникациялар қызметінде.

Қала әкімінің айтуынша, бұл мәселе арнайы штабтың бақылауында.

«Біз кәсіпорын басшыларымен келіссөз жүргіздік. Штаб аясында күніне кемінде екі рет кездесу өткіземіз. Артық істеген жұмысқа ақы төлеу мәселесі де айтылды. 200 теңге деп отырғаныңызды нақты қай компания екенін анықтау керек. Бірақ қазір күн, түн демей жұмыс істеп жүрген азаматтарға кәсіпорындар тарапынан міндетті түрде қосымша сыйақы қарастырылады», - деді Аян Бейсекин.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

Серіктестер жаңалықтары

Қазір эфирде
Для просмотра требуется поддержка flash и javascript.