Жүк салғыштан «адам аяғы» салбырап тұр: Көлік жүргізушісі ұсталды
Петропавлда аяқ киімі бар адам аяғының муляжын көлігінің жүк салғышынан салбыратып, көшеде жүрген жас жігіт табылып, оған айыппұл салынды.
Фото: t.me/POLICE_of_KZ
20:42 02.02.2023
2 ақпан күні Петропавл қаласының әлеуметтік желілердегі пабликтерінде видео тарады. Онда автокөліктің жүк салғыш бөлігінен аяқ киімі бар адамның екі аяғы шығып тұрған.
«Тәртіп сақшылары ВАЗ-2112 автокөлігінің 22 жастағы жүргізушісін ұстады.
Қала тұрғынына қатысты ҚР Әкімшілік құқықбұзушылық туралы кодекстің 590-бабы 5-бөлігі («Көлiк құралдарын пайдалану қағидаларын бұзу») бойынша хаттама толтырылды.
Сондай-ақ жас жігітпен профилактикалық әңгіме жүргізілді», - делінген полиция мәліметінде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
