Павлодар облысында макулатура тиеген жүк көлігі өртеніп кетті
Павлодар облысында макулатура тиеген жүк көлігі өртенді. Зардап шеккендер жоқ, деп хабарлайды Pavlodarnews.kz.
Фото: pavlodarnews.kz
09:52 09.06.2023
Облыстық төтенше жағдайлар департаментінің баспасөз қызметінің мәлімдеуінше, оқыс оқиға Павлодар ауданы маңында болған.
«Осы жағдай туралы сағат 20:12-де хабарлама келіп түсті. Онда Павлодар ауданының маңында Жертұмсық ауылынан 28 шақырым жерде жүк көлігінің жанып кеткені айтылды. Көлікке қағаз қалдықтары тиелгені белгілі болды», - делінген хабарламада.
Құрбандар мен қаза тапқандар жоқ. Жүргізушіге медициналық көмекті қажет болмады.
Оқиға орнына ТЖ департаментінен 4 қызметкер мен бір техника жұмылдырылды.
Өрттің шығу себебі мен шығыны анықталуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
