Қарағанды қаласындағы апат: Жарық беру қалпына келтірілді
Қарағанды қаласында электр қуатын беру қайта қалпына келтірілді.
Фото: pixabay.com.
12:32 28.09.2023
Бүгін Қарағанды облысының бас шаһарында абоненттердің басым дені жарықсыз қалған болатын.
Өңір әкімі Ермағанбет Бөлекбаев облыс тұрғындарына жасаған мәлімдемеде атап өткендей, бүгін таңертең Қарағанды қаласының ЖЭО-3 станциясында және Топар ГРЭС-2-де штаттан тыс жағдай орын алды.
«Қазіргі сәтте Топар ГРЭС-2 жүктемені көтеріп жатыр және менің тапсырмаммен бірінші орынбасарым Вадим Басин болған жағдайды анықтау үшін станцияға аттанып кетті. Жүктемені көтеру және өңір тұтынушыларына электр жарығын қысқа мерзімде беру үшін KEGOC-пен және барлық станциялармен барлық шаралар қолға алынып жатыр», - деген болатын Ермағанбет Бөлекбаев.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
