Елордада балаларды соққыға жыққан бұзақы ұсталды
Оқу-ағарту министрлігінің Балалардың құқықтарын қорғау комитеті соққыға жығылған оқушыларға қатысты пікір білдірді.
Фото: Видео кадры t.me/nkorganbekova
15:36 05.02.2024
«Астана қалалық білім басқармасының мәліметіне сәйкес, оқиға 2024 жылғы 4 ақпанда, сағат 14:57-де болған. Белгісіз адам пәтерден шығып, балаларды ұра бастаған. Кәмелетке толмағандардың бірінің әкесі болған жайтты біліп, дереу жедел жәрдем шақырған. Кәмелетке толмаған балалар ата-аналарымен бірге қалалық балалар ауруханасына жеткізіліп, үйлеріне сағат 19:40-та жіберілді», - деп атап өте комитеттен.
Астана қалалық полиция департаментінің баспасөз қызметі бұзақының қолға түскенін мәлім етті.
«Байқоңыр аудандық полиция басқармасы аталған тұрғын үйдің 30 жастағы тұрғынын анықтап, ұстады. Бұзақылық бабымен қылмыстық іс қозғалды. Сотқа дейінгі тергеу амалдары жүргізіліп жатыр», - деп атап өтті полициядан.
Ведомство мәліметінше, аталған факті бойынша қылмыстық іс қозғалды.
«Осы сынды оқиғалар қоғамда үлкен алаңдаушылық тудырады. Балаларға қатысты зорлық-зомбылық немесе қорқыту олардың қауіпсіздік, физикалық және эмоционалды әл-ауқат құқығын бұзады. Қоғам, үкімет және құқық қорғау органдары мұндай оқиғалардың алдын алу, сондай-ақ кінәлілерді жазалауды қамтамасыз ету үшін шаралар қабылдауға міндетті», - делінген таратылған ақпаратта.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
