Қостанай облысында заңсыз сатылған 168 млн теңгелік темекі өнімдері тәркіленді
Қаржылық мониторинг агенттігі Қостанай облысында темекі өнімдерін сәйкестендіру құралдарынсыз өткізу фактілері бойынша 4 қылмыстық істі тіркеді.
Фото: Видеодан алынған кадр
12:36 08.08.2024
Анықталған темекі өнімдерінің жалпы сомасы 168 млн теңгеден асады, деп жазады kazinform.
«Жүргізілген рейдтер барысында сәйкестендіру құралдарынсыз темекінің жария түрде сатылғаны, сондай-ақ Қостанай қаласының аумағында сақтау орындары анықталды. Айналымнан 290 мыңнан астам қорап темекі алынды», — делінген хабарламада.
Заңсыз қызметті жүзеге асырған 4 күдіктіге қатысты қылмыстық істер сотқа жіберілді.
Сот оларды кінәлі деп танып, айыппұлдар мен бас бостандығын шектеу түріндегі түрлі жазалар тағайындады.
Барлық тәркіленген өнім жойылатын болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
