Шавкат Мирзиёев Қазақстанның ең жоғарғы наградасы — «Алтын қыран» орденімен марапатталады
Өзбекстан Президенті Шавкат Мирзиёев Қазақстанның ең жоғарғы наградасы — «Алтын қыран» орденімен марапатталады. Бұл туралы Ақордада Өзбекстан Президенті Шавкат Мирзиёевпен келіссөздерден кейінгі брифингте Мемлекет басшысы Қасым-Жомарт Тоқаев айтты.
Фото: Ақорда
14:34 08.08.2024
«Елдеріміздің арасындағы тату көршілік пен одақтастықты нығайтуға құрметті Шавкат Миромонович Мирзиёевтің айрықша үлес қосып отырғанын ерекше атап өткім келеді. Өзбекстан көшбасшысының бұл қажырлы еңбегін Қазақстан халқы аса жоғары бағалайды. Мен осыны ескере отырып, құрметті Шавкат Миромоновичты мемлекетіміздің ең жоғарғы наградасы — «Алтын қыран» орденімен марапаттау туралы шешім қабылдадым. Бұл барша жұртымыздың Өзбекстан басшысына деген ерекше құрметінің белгісі. Сондай-ақ екі елдің ежелден жалғасып келе жатқан ынтымақ-бірлігінің айқын көрінісі. Қазақстан мен Өзбекстанның мызғымас достығы мәңгі жасай берсін!», — деді Қазақстан Президенті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
