Алматыда сел қаупінің «қызғылт сары» деңгейі жарияланды
Алматы тауларында сел қаупі жоғары. Осыған байланысты төтенше жағдайлар департаменті тұрғындарға тауға шықпау керектігін ескертті.
Фото: МЧС Узбекистана
21:00 09.08.2024
10 тамыз – 12 тамыз аралығында жаңбыр жауып, өзен-көлдерде су деңгейі көтеріледі. Алматы қаласында және оған іргелес таулы аймақта су тасқыны болуы мүмкін.
«Қатты жауын-шашынға байланысты сел қаупінің «қызғылт сары деңгейі» жарияланды», - деп ескертті департамент өкілдері.
Қазселденқорғау бөлімшелері сел қаупі бар учаскелерде бақылаудың күшейтілген режиміне ауыстырылды.
Сел қаупі бар жерде не істеу керек:
- таудағы жағдай туралы бұқаралық ақпарат құралдарының хабарларын үнемі қадағалап отыру;
- егер қауіп төнсе, немесе кенеттен сел болса, рельефтің ең биік нүктесіне көтеріліңіз;
- сел қаупі бар каналдардың жанында, көпірлерде (бөгеттерде) және олардың астында шатыр тікпеу, аялдамау.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
