Еліміздің солтүстігінде 5 градусқа дейін үсік жүреді
Алдағы үш күнде Қазақстанның басым бөлігіне ауқымды антициклон ықпал етіп, жауын-шашынсыз күн райы сақталады.
17:40 16.09.2024
«Қазгидромет» РМК хабарлауынша, республиканың тек оңтүстік бөлігі ғана циклонның және онымен байланысты атмосфералық фронтальды бөліктердің ықпалында болады, онда жаңбыр жауып, найзағай ойнайды. Сондай-ақ республика бойынша жел күшейеді. Еліміздің солтүстігінде, солтүстік-батысында және шығысында түнде және таңертең тұман түсіп, 17-19 қыркүйекте ауаның температурасы 2-5 градусқа дейін төмендейді.
Күндіз республиканың батысында ауаның температурасы +20+28°С, солтүстік-батыста +12+23°С, шығыста +5+20°С, оңтүстігінде +20+30°С. республиканың солтүстігі мен орталығында +10+20°С, оңтүстік-шығыста +17+28°С.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
