СҚО-да квадроцикл аударылып, 4 жасар бала мерт болды
Солтүстік Қазақстан облысында ер адам өз ауласында квадроциклді аударып алып, салдарынан қасында отырған 4 жасар бала мерт болды.
Фото: Pexels
14:14 19.09.2024
СҚО Полиция департаменті баспасөз қызметінің мәліметінше, оқиға 19 қыркүйек күні сағат 10.30 шамасында болған. Аққайың ауданының 56 жастағы тұрғыны өз үйінің ауласында «POLARIS» маркалы квадроциклді басқара алмай, аударылып қалған. Салдарынан жолаушы - 4 жасар бала ауыр жарақат алды. Бірден орталық аудандық аурухана жеткізілгенімен, дәрігерлер бала өміріне араша түсе алмады. Квадроциклдің жүргізушісі де ауруханаға жеткізілді.
«ҚР Қылмыстық кодексінің «Абайсызда адам өліміне әкеп соққан көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы» бабы бойынша сотқа дейінгі тергеу басталды Қазір істің мән-жайы тергеліп жатыр», - делінген баспасөз хабарламасында.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
