Алматыда пәтерден есірткі жарнамасының QR коды бар 5 мың жапсырма табылды
Алматыдағы тұрғын үй кешендерінің бірінде прокуратураның үйлестіруімен Есірткі қылмысына қарсы күрес бөлімі мен Бостандық аудандық полиция басқармасының қызметкерлері екі ер адамды ұстады.
Фото: Алматы қаласы ПД
11:34 11.11.2024
Күдіктілердің үйін тінту барысында ақ ұнтақ заты бар 156 байлам табылған.
«Пәтерден есірткі сататын сайтқа арналған QR коды бар 5 мың жарнамалық жапсырма, электронды таразы және қаскөйлер есірткіні бөлшек саудада сату үшін пайдаланған басқа да құрал-жабдықтар анықталды және тәркіленді. Сот-химиялық сараптамасының қорытындысына сәйкес, тәркіленген ақ түсті ұнтақ заттар - «мефедрон» психотроптық заты. Бостандық аудандық полиция басқармасы есірткі заттарын сату дерегіне қатысты қылмыстық іс қозғады. Екі күдікті де уақытша ұстау изоляторына қамалды», - деді Алматы қаласы Полиция департаменті бастығының бірінші орынбасары Қуатбек Науатов.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
