Жеті балықшы қаза тауып, біреуі із-түзсіз жоғалды
Дүйсенбі күні таңертең Кореяның оңтүстік-шығысындағы Кёнджу жағалауында құм тиелген баржамен соқтығысқан балықшылар қайығы аударылып, суға батып кетті, деп хабарлайды Синьхуа Yonhap ақпарат агенттігіне сілтеме жасап. Сегіз экипаж мүшесінің жетеуі қаза тауып, біреуі із-түзсіз жоғалған.
Фото: pixabay.com
09:42 10.12.2024
Оқиға Кёнджу қаласынан оңтүстік-шығысқа қарай шамамен 6 шақырым жерде жергілікті уақыт бойынша сағат 05:43–те болған.
Жергілікті полиция құтқару қайықтары мен тікұшақтарды жіберген.
Төңкерілген қайық ішінен табылған жеті экипаж мүшесінің жүрегі тоқтап қалғаны анықталды, дәрігерлер олардың қайтыс болғанын растады.
— Тағы бір балықшыны іздеу жалғасуда. Алдын ала тергеу көрсеткендей, соқтығыс капитанның алаңдаушылығынан болған, — делінген хабарламада.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
