Қазақстандық Виктория Графеева бокстан Азия чемпионы атанды
Таиландтың Чиангмай қаласында бокстан Азия чемпионатында әйелдер арасында финалдық жекпе-жектер өтіп жатыр.
Фото: Спортты дамыту дирекциясы
15:40 10.12.2024
Қазақстаннан бірінші болып Виктория Графеева рингке шықты. В.Графеева 60 келіге дейінгі салмақта қытайлық Цяньге Лимен қолғап түйістірді.
Бірінші раундта Виктория соққыларын барынша дарыта білді. Төрешілер есебі 4:1 болды.
Екінші кезеңде қарсыласын тықсыра түсті – 5:0. Қорытынды есеп те – 5:0.
Осылайша, Виктория Графеева қазақстандықтардан алғашқы болып алтын алды.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
