Семей тұрғыны колония аумағына 3,5 литр спирт лақтырмақ болды
Семейдегі колония аумағына спирт лақтырмақшы болған азамат ұсталды.
Фото: ҚР ІІМ
15:23 11.02.2025
58 жастағы Семей қаласының тұрғынын колонияның бейнебақылау бекетінің қызметкерлері байқап, оны Абай облысы бойынша қылмыстық-атқару жүйесі департаменті №19 мекемесінің қызметкерлері оқиға орнында ұстады. Ер адам әр ыдыста 0,5 литр спирті бар жеті пластик бөтелкелерді колонияның ескерту және негізгі қоршауларынан асырып, ішке қарай лақтырмақ болған.
"Семей қаласының тұрғыны өзіне бейтаныс адам осы заттарды ақшалай сыйақы үшін лақтыруды сұрағанын мойындады. Қазіргі уақытта "жеткізушіге" қатысты әкімшілік хаттама толтырылды", – деп түсіндірді мекеменің тәртіп бөлімі тексеру тобының жедел уәкілі Кенжебек Нұрсейітов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
