Жомарт кенішіндегі қайғылы оқиға: қаза тапқандардың аты-жөндері жарияланды

Жақында авариялық-құтқару топтары қираған тау-кен үйінділерінің астынан 7 кеншінің денесін шығарды:

Қаза болғандардың тізімі:

1. Ақшалов Қайрат Аманбекұлы, 1975 жылы туған, сорғы қондырғыларының машинисі;

2. Жақыбаев Ардақ Боранбайұлы, 1998 жылы туған, жер асты учаскесінің тау-кен шебері;

3. Жұмадуллаев Бақытбек Нышанұлы, 1975 жылы туған, жер асты тау-кен жұмысшысы:

4. Кенжебеков Орынбек Әмірханұлы, 1991 жылы туған, тиеу-жеткізу машинасының машинисі;

5. Молдабеков Ғалымжан Есенбекұлы, 1978 жылы туған, шпур бұрғылаушының көмекшісі,

6. Нұрулдаев Олжас Жағалбайұлы, 1979 жылы туған, жер асты учаскесінің энергетигі,

7. Рожков Константин Владимирович, 1992 жылы туған, жерасты тау-кен қазу жабдықтарының электр слесарь-монтажшысы.

Осыған дейін хабарланғандай, «Қазақмыс» қаза тапқандардың отбасыларына жұмыскердің орташа жылдық жалақысының 10 есесін, сондай-ақ жерлеу рәсімін ұйымдастыруға 2 млн теңгеден астам қаржы төлейді.

Осыған дейін Ұлытау облысындағы шахтада апат болып, 7 адам төтенше жағдайда қалғаны туралы жаздық. Ресми дерекке қарағанда, шахтада тау массасы құлаған.

Оқиғаға байланысты үкіметтік комиссия құрылды, оны Премьер-Министрдің орынбасары Қанат Бозымбаев басқарады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!