Айша Омарға тұрмысқа шыққан кезде оның кішкентай қызы бар еді. Үш жылдан кейін Айша дүниеге ұл бала әкеледі. Отбасы тату-тәтті өмір сүріп жүреді. Тек мазасыз енесі ғана бұлардың отбасына жиі араласа береді. Арада он жыл өткен соң шетелден Омардың бұрынғы әйелі, Дәмелінің туған анасы қайтып келеді. Айшаның қайыненесі 10 жасар қызға туған анасының кім екенін, оның елге қайтып оралғанын, өзімен танысқысы келетінін айтып береді. Осыдан соң бұл отбасынан береке қашады, өйткені Дәмелі өзін анасы тастап кеткеніне ренжиді. Айшаның қайыненесі ұлының отбасындағы ұрыс-керістің себепкері болады, алайда кейін өз қатесін түсініп, бұл отбасының бақытты болуы үшін бар күшін салады.