Мирболат пен Гүлшат Бишуиновтардың отбасын құрғанына 20 жылға таяу уақыт болды. Жоғарғы оқу орнында бірге оқыған ерлі-зайыптылар 1999 жылы Алматы қаласында шаңырақ көтереді. Алғаш некеге тұрғандарында тұрақты үйлері болмаған ерлі-зайыптылар тұңғыштары дүниеге келгенде аяқ-астынан баспаналы болады.

Алайда, жас отаудың бұл қуанышы ұзаққа созылмады. Тұрғылықты үй табылғанмен, оны растайтын құжат жоқ. Бармаған жер, қақпаған есігі қалмаған Мирболат Мырзатайұлы тағы да тығыраққа тірелді. Ақша табу, үй іздеу, сатып алу... отағасын тағы да сергелдеңге түсірді

Берекелі жанұя, үлгілі ата-ана болу – отбасының басты құндылығы. Ер азамат түзде мал тапса, әйел үйдің сәнін келтіреді. Мирболат пен Гүлшат Бишуиновтар тату-тәтті ерлі-зайыпты ғана емес, туған-туысқанға да сыйлы.

Баспана бар, балалар өсіп келе жатыр. Ұйқы тыныш, көңіл алаңсыз. Алайда, межеге жетпеген, жүзеге аспаған тағы бір іс бар. Ол қызының арманың орындау.