Жетілмеген остеогенез дерті екі перзентін діңкелеткен Алматы облысы Кемертоған ауылының тұрғыны Алуа Уәли көмек сұрайды. Қос бүлдіршіннің сүйегі нәзік және жиі сынады. Үш баланың анасы Алуаның перзенттерінің мүгедектікті анықтау үшін бірнеше есікті қағып тауы шағылған. 4 жастағы Заңғардың аяғы 6 рет сынған. 6 жастағы Інжудің аяғы екі рет сынған. Алматының медициналық әлеуметтік әдіснама бөлімі мамандары мүгедектікке жатпайды деп жас ананы әбден сенделткен. Ол аздай Кемертоған жалпы білім беретін мектеп Інжу үйде оқысын деп, тағы бір дау шықты.