Қазақ-түрік лицейлері Түркияның басқаруына өтпейді
Білім министрлігі қазақ-түрік лицейі төңірегіндегі түсінбеушілікке қатысты мәлімдеме жасады. Ресми хабарламада бұл мектептердің Түркияның басқаруына өтпейтіні жазылған.
Автор: Досжан Маратұлы
07.03.2017
Осылайша, ведомства еліміздегі түрік елшісінің сөзін жоққа шығарып отыр. Бұған дейін Невзат Уянык қазақ-түрік мектептеріндегі оқу процесіне енді Анкара жауап береді деп айтқан. Десе де, дипломаттың сөзден шатасқанын айтқан министрлік, алаңдауға негіз жоқ деп сендірді. Айтуларынша, қазір білім-инновация лицейлері деп қайта құрылған қазақ-түрік мектептері еліміздің стандарты бойынша оқуын жалғастыра береді. Тіпті, оларды Түркияның бақылауына беру туралы сөз де болмапты. Ал, елімізде мұндай 27 қазақ-түрік лицейі барын айта кетейік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
