Қорғаныс министрлігі әскердегі жемқорлықпен полиграфтың көмегі арқылы күреспек
Яғни сарбаздарды шындық детекторына отырғызып, сұрақтың астына алады. Былтыр осы мақсатта 2 полиграф сатып алынған. Әскери полиция басқармасының мәліметінше, осы күнге дейін сынақтан 100-ге жуық офицер өтіп, 40 пайызы сыннан сүрінген.
Автор: Әсем Қабылбек
25.02.2019
Бұдан былай қызметі өсетін әскери шенділер шындық детекторы арқылы тексеруден өтуге міндетті. Оларға «Пара аласың ба?», «қылмысты жасыруға тырыспайсың ба?» деген секілді сауалдар қойылады. Мамандардың айтуынша, полиграф құрылғысын алдау мүмкін емес. Өйткені ол адамның көңіл-күйіндегі өзгерістерді қалт жібермейді. Қосымша және негізгі белгі бергіщтер жауынгердің қан қысымын өлшеп, кеуде қуысындағы тыныс алуды бақылап отырады. Бір қызметкерді толық тексеруге шамамен 2-3 сағат кетеді. Алматыда қорғаныс министрлігінің жылжымалы тобы әскерилерге жемқорлықпен күрес туралы заңды түсіндіріп, шындық детекторының мүмкіндігін кеңінен таныстырды.
Жомарт Битабаров, ҚР Қарулы күштері әскери полициясы басқармасының полиграф маманы:
- Күдік тудырғандар да бар. Физиологиялық реакциясы бар немесе жоқ деп айтуымызға болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
