Алматыда жасөспірімдер театрында экологиялық спектакль қойылды – Қар барысы
Алматыда көрерменді жануарға деген жанашырлыққа тәрбиелейтін алғашқы экологиялық спектакльді Наталья Сац атындағы Мемлекеттік академиялық балалар мен жасөспірімдер театры қойды.
Автор: Нұртілеу Жылқышыбай
01.11.2021
Бұл жолы ел елегінде жүрген еліміздің таулы аймақтарында мекендейтін айбынды қар барысын қорғау туралы қойылым ұсынылды.
Қар барысының тіршілігін көрсететін қойылымды кішкентай көрермендер мен ата-аналары асыға күтуде. Көпке сабақ болатын спектакль әдеттегідей қараңғылықтан басталды. Бұл таңғажайып балалар ертегісінде жақсылықтың міндетті түрде зұлымдықты жеңетіні, ал батыл жүрек жеңіс пен әділеттілікке жеткізетіндігін көрсетеді. Қойылымның басты мақсаты – Қызыл кітапқа енгізілген хайуанаттың қатары сиреп бара жатқанын жеткізу.
Арман Кашкинбеков, Халықаралық қар барысы қорының директоры:
- Қазақстанда қар барысының санын сақтап қалу және көбейту мақсатында өткізілетін спектакль. Өйткені елімізде қар барысының саны 130-ға ғана жуықтайды. Сол үшін Қызыл кітапқа енгізілген. Қазақтың символы құрып кетуіне жол бермеуіміз керек. Үлкенді-кішіге сабақ болары анық.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
