Ақтөбе облысында соғым ұрлағандарды қуып жүріп ұстады
Ақтөбе облысында соғым ұрлаған күдіктілер ұсталды. Тұрғындар ірі қараны ауыл шетінде сойып, етін жіліктеп жатқандарды көрген.
Автор: Жаңалық Ахаш
10.11.2021
Барымташылар жіліктелген етті көлікке тиеп үлгерген. Хромтау ауданына қарасты Тамды ауылының тұрғындары учаскелік инспектормен келген кезде көліктерімен облыс орталығына қарай қашқан. Олардың жолын бөгеуге патрульдік полиция ротасының жасағын тартуға тура келді. Күдіктілер жайылымда жалғыз жүрген ірі қараны ұстап алады. Кеш қарайғанын күтіп, көліктің жарығымен бауыздап, терісін сыпырып тастаған. Жіліктелген етті өзара бөліп алмақ болыпты. Қазір үшеуі де қамауға алынды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
