Абай облысындағы шенеуніктер шетінен жазаланып жатыр
Абай облысындағы шенеуніктер шетінен жазаланып жатыр. Тәртіп сақшылары қызметіне салғырт қарап қар күремеген 17 басшыға әкімшілік айыппұл салды.
Автор: Ұлан Нұрахмет
21.02.2025
Аймақтағы ауыл-аудан әкімдері мен жауапты мамандар арқаны кеңге салған. Тіпті ауылдарда көше қыс бойы жауған қардан тазартылмай, көлік қозғалысына кедергі келтіруде.
Қар басқан көшелерде жарық та жоқ. Жол ережесін бұзған жүргізушілерден де шағым көбейген. Сақшылар қар тазалауға салғырт қарағандарға алдымен ауызша ескерту жасаған. Ал оған құлақ аспағаны шетінен жазаланып жатыр. Айыппұл арқалағандардың ішінде Семей қаласы мен Көкпекті, Жарма ауданының коммуналдық бөлімнің мамандары бар. Ал жұмысына салғырт әкімдердің әрқайсына 10 айлық есептік көрсеткіш көлемінде айыппұл салынды.
Ардақ Орымбеков, Абай облысы ПД ерекше тапсырмалар жөніндегі аға инспектор:
— Әкімшілік жауапқа, сондай-ақ жергілікті атқарушы органдардың басшылары Шүлбі ауыл округінің әкімі, Үржар ауданына қарасты Таскескен ауылының әкімі, Көкпекті ауданы Преображенское ауыл округінің әкімі, Ақсуат ауыл округі әкімінің орынбасары, Прииртышск ауылы әкімінің міндетін атқарушы жауапқа тартылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
