Ұтыс ойындарына әуес блогерлер 8 миллионға дейін айыппұл төлеуі мүмкін
Ұтыс ойындарын өткізуге әуес блогерлерге бақылау күшейеді. Лотерея ойнатып жеңіл ақша тапқысы келетіндер енді 8 миллион теңгеге дейін айыппұл арқалауы мүмкін.
Автор: Дастан Қуандық
31.03.2025
Бұған дейін Мәжілісте депутаттар инфлюенсерлер, яғни қоғамда танымал адамдардың жұмысын қатаң бақылауға алуды ұсынған болатын. Үкімет бүгін осыған қатысты жауап жолдады. Вице-премьер Жұманғарин ақпараттық кеңістіктің ашықтығын арттыру және алаяқтық әрекеттің алдын алу мақсатында Instagram, TikTok, Facebook әлеуметтік желілерімен тығыз жұмыс істеп жатқанын айтты. Жыл басынан бері жасалған мониторингте 2 мыңға жуық интернет алаяқтық анықталып, мың жарым интернет-ресурсы шектелген.
Ерлан Саиров, Мәжіліс депутаты:
— Қазақстанда құқығы бар бір-ақ ұйым жұмыс істеп келеді. Әлеуметтік желіде қазір лотерея ойнайтындар қаптап кетті — 10 мыңға жуық лотерея ойналып жатыр. Мұның бәрі заңға қайшы. Үкіметке нақты тапсырма берілді. Міне, жауап келді, әлеуметтік желідегі лотерея ойындарын рәсімдейміз, бір ретке келтіреміз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
