ВИДЕО: Чернобыль тас табытынан тірі жануар құтқарылды
Үш жұмысшы Чернобыльдағы саркофагтың үстіне шығып кеткен итті құтқару үшін өз өмірлерін ажалға тікті.
17:00 20.03.2018
Үш қызметкер Чернобыльдағы Бекініс-2 тас табытының шатырына шығып алған итті құтқару үшін 92 метр биіктікте көтерілді.
Хабарламада айтылғандай, ит баспалдақпен өрмелеп шығуын шығып алып, қайтар жолды таба алмай, яғни түсе алмай қалып қалған.
Үш ер азамат итке құтқару белдігін байлап, сонымен төмен ептеп өздерімен бірге түсірген.
Ит үшін өз өмірлерін бәске тіккен еркектердің бұл іс-әрекеттері әлеуметтік желіде жарияланып, көптеген адамдар сүйсініс білдіріп, алғыс жаудыруда.
«Бекініс-2» апат кезінде жойылған атом электр станциясының төртінші энергия блогын жабады.
Бейне түсірілім поляк саяхатшысы Лукаш Завадскийдің көмегімен түсірілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
