Конор қайта оралды
UFC-дің жарқын жұлдызы Конор МакГрегордың сегізбұрышқа қашан оралатыны белгілі болды.
16:15 20.03.2018
Бұл туралы Sports.ru сайты хабарлайды.
Жеңіл салмақта UFC чемпионы болған ирландиялық Конор МакГрегордың кезекті жекпе-жегі күзде өтуі мүмкін. Бұны UFC президенті Дана Уайт айтты.
Ол өз сөзінде: «Конорды күзде, қыркүйек айында сегізбұрышқа қайта оралады деп ойлаймын. Хабиб-Фергюсен жекпе-жегінің нәтижесін күтейік. МакГрегордың осы жұптың жеңімпазымен жұдырықтасқанын қалаймын», – деді Дана.
Хабиб Нурмагомедов пен Тони Фергюсен арасындағы кездесу 7 сәуір күні, АҚШ-тың Нью-Йорк қаласында өтеді.
Спортшылар UFC-дің жеңіл салмақтағы чемпионын анықтайтын болады.
Ал Конор соңғы жекпе-жегін 2016 жылы Эдди Альвареске қарсы өткізіп, қарсыласын нокаутқа жіберген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
