Оралда балкон өртеніп, 25 адам эвакуацияланды
Орал қаласында тұрғын үйдегі өрттен 25 адам эвакуацияланды.
12:48 04.07.2018
БҚО ТЖ департаментінің баспасөз қызметінен алынған мәліметке қарағанда, кеше кешкісін сағат 21.24-те «Құрылысшы» шағынауданы №19 үйде өрт болып жатқаны жөнінде хабар түскен.
Өрт сөндірушілер жеткенде, 9 қабатты үйдің балконында жеке заттар мен терезе жақтауы жанып жатқаны анықталды.
Өрт аумағы 12 шаршы метрді қамтыды. Өрт сөндіру барысында 25 адам эвакуацияланса, соның үшеуі - балалар. «Тілсіз жауды» ауыздықтауға жеке құрамнан 8 адам, 2 техника жұмылдырылды.
Өрт 22.20-да сөндірілді. Қазіргі кезде өрттің шығу себебі, келтірілген шығын, кінәлі адамдар анықталуда.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
