Еліміздің бірқатар жерінде 43 градусқа дейін ыстық болады

Бұл туралы  «Қазгидромет» хабарлайды.

Оңтүстікте, оңтүстік-батыста және Қазақстанның батыс өңірінің кей жерлерінде алдағы үш тәулікте ауа температурасы плюс 40...43 градус және жауын-шашынсыз ыстық ауа-райы күтілуде.

Мұндай ауа-райы Кіші Азия аудандарынан ыстық ауаның шығуымен байланысты. Республиканың шығыс және оңтүстік-шығыс облыстары жоғары барийлік шұңқыр және онымен байланысты атмосфералық фронттар ықпалында болады.

Осы өңірлерге Сібірден салқын және ылғалды ауа келеді, сондықтан мұнда кей жерлерде найзағайлы өткінші жаңбыр және осы мезгілге қалыпты ауа-райына жақын температура сақталады.

Ал солтүстік облыстарға Кола түбегінде орналасқан антициклон тарамдары ауысады, ол жауын-шашынның тоқтауына себеп болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!