ВИДЕО: Жамағат арасындағы жанжалдан 13 адам қаза тапты
Мексикада көршісімен жанжалдасып 13 адам мерт болды.
14:00 18.07.2018
Сейсенбі күні мексикалық Оахака штатында 13 адам қаза тапты. Полицияда бұл адамдар бірнеше жылға созылған даудың кесірінен өлді деп санайды. Екі жамағат арасындағы жер дауы оларды жауластырып жіберген.
Қаза тапқандар Санта-Мария Экатепек қаласының тұрғындары. Олар көрші Сан-Лукас Иккотепек "біздікі" деп санайтын орманға барған. Көршілері оларды аңдып күтіп алып, өлтіріп тастаған, - дейді тергеушілер.
Қайғы жамылған туыстары өте ашулы.
Виктория Варгас, қаза тапқанның шешесі:
Біз әділдікті қалаймыз. Бұны кешіруге болмайды. Ана жерде жесірлер, жетімдер және менің төрт ұлым жатыр. Бұл қалайша болғаны?!
Штат полициясы бұл жағдайды реттеп, тексеріп, заңды қайтарып, мазасыз ауданға тәртіп орнатамыз деп уәде берді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
