ФОТО: Атырауда 5 қабатты үй отқа оранды
ФОТО: Атырауда 5 қабатты үй отқа оранды

ФОТО: Атырауда 5 қабатты үй отқа оранды

Атыраудағы бес қабатты үй өртке оранып, 10 адам құтқарылды.

Бес қабатты  үйдің төртінші қабатындағы пәтерлердің біріндегі өрт сағат 17:30-да басталды. Оқиға орнына  өрт сөндірушілер бірнеше минуттан кейін келіп,  бірден төртінші және бесінші қабаттардағы тұрғындарды құтқару жұмыстарына кірісті. Өйткені төртінші қабаттан басталған өрт жоғарғы қабатқа кауіп төндірген еді.

Қазақстан Республикасы ІІМ Төтенше жағдайлар комитетінің ақпаратына сәйкес, 20 шілде күні сағат 17.44-та Атырау қаласындағы Ж.Молдағалиев көшесінде орналасқан 5 қабатты тұрғын үйдің 4-қабатындағы пәтерде, 15 шаршы метр аумақта өрт болды.

«Өрт сөндірушілер көрші пәтерлердің тұрғындарын - 10 адамды баспалдақтың көмегімен құтқарды. Оның 7-еуі - балалар.  Өрт сағат 19.17-те  ауыздықталып, тілсіз жау 19.23-те толық сөндірілді. Пәтердегі тұрмыстық заттардың барлығы өртеніп кеткен», - деп хабарлайды ТЖМ баспасөз орталығының баспасөз қызметінен.

Айта кету керек, өрт сөндіру және тұрғындарды құтқару жұмыстары кезінде 11 өрт сөндіруші және 4 арнайы мамандандырылған өртке қарсы техника жұмылдырылды.

Дереккөз: ҚазАқпарат

 

Кеше9

Серіктестер жаңалықтары

Загрузка...