Үндістанда ұсталған қазақстандыққа қатысты істің мән-жайы белгілі болды
Үндістанда досын шығарып салғысы келген қазақстандық айыппұл төледі.
19:16 11.02.2019
Қазақстан азаматы айыппұл төлеп, төлқұжатын қайтарып алды. Дели әуежайында билетті қолдан жасағаны үшін ұсталған Қазақстан азаматы ұшақ бортына кіруге тырыспаған. Бұл туралы бүгін сыртқы істер министрлігі баспасөз қызметінің жетекшісі Айбек Смадияров мәлімдеді.
«Ұшаққа кіруге тырысқан жоқ. Ол әуежайдың ішіндегі тексеру бекетінен өтіп, тіркеу аймағына кіру үшін ғана жалған билетті қолданған. Сөйтіп, өзінің досын шығарып салғысы келді. Қазір бәрі дұрыс. Қазіргі таңда төлқұжаты қайтарылды, айыппұл төленді. Бұл қылмыстық іс емес, әкімшілік құқық бұзушылыққа жатады», - деді Айбек Смадияров.
Ол мұның тек әкімшілік құқық бұзушылық екенін атап өтті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
