{metadescription}

Головкин Альвареспен үшінші жекпе-жекке дайындалып жатыр

Геннадий Головкиннің бапкері Абель Санчес оның DAZN аясындағы алғашқы жекпе-жегі тәжірибелі боксшымен өтетінін айтты.

18:33 05.04.2019

Өйткені Головкин қыркүйекте Сауль Альвареспен (51-1-2, 35 КО) жұдырықтасуға дайындалып жатыр.

«Бізге тәжірибелі қарсылас керек, өйткені Головкин қыркүйекте Альварес немесе Мунгуйямен кездеседі. Сол үшін ол нағыз бабында болуы керек», - дейді Абель Санчес.

Головкин үшін басты мақсат - Альвареспен үшінші жекпе-жек болып тұр.

«Меніңше, жанкүйерлер де, сарапшылар да үшінші жекпе-жекті көргісі келеді. Өйткені олар Головкин мен Альваресті орта салмақтағы әлемнің үздік боксшылары деп санайды. «Канело» Джейкобстан өтіп, біз маусымда жеңіске жетсек, барлығы да Альварес тарапының еншісінде болады. Олардың үшінші жекпе-жекті қалайтын-қаламайтынын сонда біліп аламыз. Бірақ тек «Канело» емес, басқа боксшылар да бар. Мәселе тек чемпиондық белбеулердің болуында ғана емес, жекпе-жек те елді қызықтыратындай болуы керек», - дейді Санчес.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!