{metadescription}

Алматы – Нұр-Сұлтан трассасында жол апаты болып, жүргізуші көз жұмды

Mitsubishi жүргізушісі көлігін тоқтатып үлгермей, екі мәшине соғылды.

10:55 11.04.2019

10 сәуір күні кешкісін Алматы – Нұр-Сұлтан трассасының 109-шы шақырымында Daewoo Gentra мен Mitsubishi Galant автокөліктері соғысты. Mitsubishi Нұр-Сұлтан бағытында, Daewoo Алматы бағытында келе жатқанға ұқсайды. Әзірге белгісіз себеппен Daewoo жүргізушісі қарсы бағытқа шығып кеткен. Mitsubishi жүргізушісі көлігін тоқтатып үлгермей, екі мәшине соғылды.

Daewoo жүргізушісі сол жерде көз жұмды. Mitsubishi Galant жүргізушісі мәшинеде бала-шағасымен келе жатқан екен. Олардың бәрі дәрігерге қаралу үшін ең жақын деген аураханаға жеткізілді. Жол-көлік апатының бар мән-жайын жол полициясының қызметкерлері анықтауда.