{metadescription}

Әлімханұлы титулдық жекпе-жек алдында салмақ өлшеуден өтті

Кеше Лос-Анджелесте Василий Ломаченко (12-1, 9 КО) - Энтони Кролла (34-6-3, 13 КО) бокс кешіне арналған салмақ өлшеу рәсімі болды.

09:50 12.04.2019

Осы бокс кешінде қазақстандық кәсіпқой боксшы Жәнібек Әлімханұлы (5-0, 2 КО) да кезекті жекпе-жегін өткізеді. Боксшы Instagram парақшасында жекпе-жекке дайын екендігін жазды.

«Өзімнің бокс тарихымда 160 фунтта салмаққа бірінші рет түстім. Еш қиналмадық. Денсаулық та көңіл күй де тамаша. Бұл менің салмағым! Бұйыртса ертең жекпе-жек. Сақадай саймыз!», - деп жазды ол.

Жәнібектің қарсыласы - тәжірибелі мексикалық Кристиан Оливас (16-4, 13 КО). Боксшылар орта салмақтағы WBO Global және WBC Continental Americas белбеулерін сарапқа салады. Әлімханұлының салмағы талапқа сай дәл 160 фунт болды. Оливас одан сәл жеңілірек - 159,2 фунт. Кездесу Staples Center аренасында өтеді. Оны қазақстандықтар 13 сәуір күні Нұр-Сұлтан уақытымен таңғы 07:00-ден бастап «Qazsport» телеарнасынан тікелей эфирден көре алады.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!