{metadescription}

Алматыда жантүршігерлік жол апатынан 4 адам зардап шекті

Жантүршігерлік жол апаты салдарынан екі көліктің күл-талқаны шықты.

12:43 18.04.2019

Алматыда Төле би және Яссауи көшелерінің қиылысында жол апаты болды. Оқиға куәгерлерінің сөзіне сүйенсек, Mercedes-Benz көлігі Яссауин көшесімен солтүстік бағытта кетіп бара жатады. Жүргізуші бағдаршамның қызыл жарығына тоқтамай, қиылысқа шығып кетеді. Сол кезде Төле би көшесімен батыс бағытта Audi 100 көлігі келе жатқан еді.

Mercedes бар жылдамдығымен Audi көлігіне соғылып, қатты соққыдан авто бордюрге бір-ақ шығып, ағашқа соғылған. Жол апаты салдарынан төрт адам зардап шегіп, әртүрлі жарақатпен жақын маңдағы ауруханаға жеткізілді. Оқиға орнында жол полициясы қызметкерлері апаттың мән жайын анықтап жатыр.