Белгілі продюсер химикат ішіп қойып, ауруханаға түсті
Продюсер стақандарды шатастырып, құбыр тазалауға арналған сұйықтықты ішіп қойған, кей мәлімет бойынша, Алибасовтың өңеші күйіп қалған.
12:39 05.06.2019
Мәскеуде "На-На" тобының продюсері Бари Алибасов химикаттан уланып, шұғыл ауруханаға жеткізілді. Бари Алибасов құбыр тазартуға арналған сұйықтықты ішіп қойған. Ол пәтеріндегі үстелге белгісіз біреу қалдырып кеткен стақандағы сұйықтықты шатастырып алған.
Продюсердің ұлы кіші Бари Алибасовтың айтуынша, әкесінің денсаулығына ешқандай қауіп төніп тұрған жоқ, дәрігерлер продюсерге қажетті көмекті көрсетіп жатыр. Расталмаған мәлімет бойынша, Бари Алибасов өңешін күйдірген.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
