{metadescription}

Төлеби ауданында 25 жастағы турист таудан құлап, мерт болды

Түркістан облысы, Төлеби ауданындағы Біркөлік тау шатқалында жас жігіт пен бойжеткен жоғалып кеткен.

15:49 18.06.2019

Оларды іздестру кезінде 25 жастағы туристің таудан құлап, қаза тапқаны белгілі болды. Шымкент қалалық ТЖД мәліметінше, 16 маусым күні түнгі сағат 00:10-да құтқару қызметінің пультіне Төлеби ауданында демалушылар тобынан 25 жастағы жігіт пен 22 жастағы бойжеткеннің 15 маусымда шамамен сағат 22:00-де жоғалғандығы туралы хабарлама келіп түскен.

«Іздестіру жұмыстарына Шымкент қалалық жедел-құтқару жасағының 9 құтқарушысы мен Түркістан облысы Төлеби ауданы ТЖ бөлімінің 14 қызметкері, жергілікті атқарушы билік органдары мен аудандық полиция бөлімінің 5 қызметкері мен ҚР ҰҚК ШҚ №2041 ӘБ 4 әскери қызметкер және 1 ит жұмылдырылды. Оқиға орнына жеткен құтқарушылар Біркөлік шатқалының тау аймағында 120 м биіктіктен құлап, ағаш бұтақтарында ілініп қалған 1994 жылғы жас жігіттің денесін тауып алды. Ал, жоғалған 1997 жылғы қыз өздігінен шатқалдан түсіп, ауруханаға жатқызылған», - делінген хабарламада.

Дереккөз: ҚазАқпарат

Бізді Youtubе-та қараңыз! Бізді Facebook-та, Instagram-да, Telegram-да оқыңыз!